購物車內無任何商品
鹹魚發夢
從富豪變破產戶，竟成燃起兒時夢想的契機。陳杰(William)少年創業得志，變得目中無人，一場金融風暴令他破產，重投打工仔行列，卻機緣巧合以38歲高齡加入航空業，尋回兒時夢想，7年內更晉升為總經理。William近日出書，寫下高低跌宕，送給太太作結婚廿周年禮物。
William小時對航空很有興趣，會考時常到啟德舊機場讀書，除貪圖免費冷氣，看到機組人員穿梭出入境大堂時，更有鼓莫名推動力，冀有朝一日加入航空業。
隨着年月流逝，航空夢漸封存心底。當年本地航空公司全是純英資，對拿着台灣大學學位的他，要加入航空業的機會很微，故他選擇商貿工作，搵錢成為新夢想。
William事業順利，月入很快已達2萬元，緊隨是升職、跳槽。4年後他辭職創業，首半年營業額已達3,000萬元，「一切嚟得太易，好多同學仲坐緊巴士，我已經揸緊車、買樓。」
搵錢成新夢想
他更變成自大，「有次同學敘餐話去食pizza，我就話：『咁冇出息，仲攞飛食飯，食翅啦，我請。』」
金融風暴令他陷入財困，要借貸度日，但太太仍不離不棄， 「嗰年我哋喺新加坡，成家人剩番一張兩蚊坡紙，即係10蚊港幣，嗰日係我生日，太太攞走咗兩蚊坡紙，落樓下買餸煮咗碟餸畀我食，有齊我鍾意食嘅枝竹、豆腐，呢碟餸係代表我太太對我嘅無怨無悔、不離不棄嘅愛。」
打工仔變總經理
William仍逃不過破產，38歲唯有再打工，寄出50封求職信，獲3間公司面試，包括當時新成立的港聯航空(香港航空前身)。航空「零經驗」的他應徵經理，被後來的上司發現其履歷，認為值得一見，終順利加入港航，「我好記得返工嗰日係05年1月17日，係我改變一生嘅日子。」高齡轉行，Willliam要更努力，7年內晉升成總經理。他將經歷寫成《鹹魚也發夢》共勉，並冀「一萬個人入面有一個人睇完有啟發，我都係祝福咗嗰個人。」
(容文穎報道)
